Обилните дождови што го погодија шпанскиот регион Андалузија предизвикаа речиси 1.500 пријавени инциденти, од кои 970 се случија во најтешко погодената покраина Севиља.
Поради поплавите, некои патишта беа затворени, а железничкиот сообраќај беше прекинат неколку часа, објавува денес „Диарио де Севиља“.
Граѓаните пријавија повеќе од 70 проценти од инцидентите кај властите поради поплави, а 127 пријави се должат на лизгање на земјиштето и свлечишта.
Во Севиља, по обилните дождови, улиците, гаражите и јавните згради беа поплавени, а болницата „Вирхен Макарена“ мораше да спроведе план за непредвидени ситуации за да продолжи да обезбедува здравствени услуги.
Во Кармона, дождовите ја оштетија универзитетската резиденција и неколку домови за стари лица, принудувајќи ги жителите на еден од нив да се евакуираат.
Фото: принтскрин
