Тетовската полиција поднесе кривична пријава против Л.М. (49) од Косово поради постоење основи на сомнение за измама.
Според пријавата, на 15 септември 2025 година, пријавениот преку социјална мрежа довел во заблуда женско лице, претставувајќи се како сопственик на градежна фирма во странска држава. Тој ѝ понудил посредување при купување имот во истата земја.
Оштетената, доверувајќи му се, во три наврати преку брз трансфер на пари му уплатила вкупно 12.000 евра како капар. Но, ветениот имот не го добила.
