Постојат милион трендови и трикови за убавина кои редовно ни се претставуваат како најдобар избор, но дали навистина треба да ги прифатиме сите како нормални?
Трендовите за убавина кај жените се менуваат од година во година, но дебатата за тоа дали се навистина неопходни не се менува. Додека жените вложуваат огромни количини време и пари во својот изглед, многу мажи признаваат дека некои популарни трендови всушност ги одбиваат, а еве некои од нив.
1. Премногу негувани веѓи
Природно тенките или дебелите веѓи можат да бидат убави без никаква корекција. Но, жените ги кубат, ги цртаат, ги тетовираат и, во најновиот тренд, ги надградуваат со трансплантација.
2. Брановидна фенирана коса („blow wave“)
Најбенигниот, но најраспространет тренд и затоа најиритантниот. Станува збор за долга коса која прво се исправа, а потоа се витка со помош на пегла, фигаро или фен за коса.
3. Маски со колаген
Пример за трендови кои „не прават ништо, а чинат многу“. Колагенот не може да се апсорбира преку кожата, па затоа маските наводно ја хидрираат само површината, што можете да го постигнете со обична вода.
4. Филери за усни
Додека ботоксот наводно станал посуптилен, филериве експлодираа. Усните изгледаат отечено, пренадуени и очигледно вештачки, честопати намерно, како реклама за скапи „дотерувања“.
5. Вештачки трепки
Маскара, да. Вештачки трепки долги еден метар, не.
6. Прекумерно нанесување кармин
Особено на веќе полни усни, резултатот изгледа лошо, размачкан и претеран. Црвениот кармин изгледа добро само на фотографија, речиси никогаш во реалниот живот.
7. Контурирање и/или светки
Некогаш, рутините за шминкање беа едноставни. Денес, контурирањето бара арсенал од цевки и палети. Изгледа добро на некои, но оние кои контурираат во возот од 7 часот наутро честопати претеруваат.
8. „Турски заби“
Светкави бели, совршено рамномерни заби кои изгледаат како да припаѓаат на кукла. Мажите, тврди авторот, изгледаат уште полошо од жените.
9. Гел нокти и претеран nail art
Убаво обоените нокти можат да бидат привлечни, а воедно и дискретни.
10. Мирис
Најнејасната, но најискрена поента. Не станува збор за парфем, туку за интензивен, хемиски мирис што доаѓа од акумулацијата на производи, прајмер, пудра, спреј, фиксатор, гелови, креми…
11. „Подигање на задникот“
Некогаш беа гради, сега се задници. Трендот е увезен од САД, наводно инспириран од Кардашијан и музичката сцена.
