Две икони – едната модна икона, а другата глумечка икона – ја красат насловната страница на мајското издание на списанието „Вог“, носејќи нешто ново и неочекувано на светот.
Ана Винтур и Мерил Стрип ја красат насловната страница на мајското издание на списанието „Вог“, и може да се каже дека ова издание е специјално за сите љубители на модата и филмот.
Имено, историјата на списанието не памети момент кога неговата позната насловна страница му била доделена на еден од неговите вработени. Сепак, по 134 години постоење на списанието, работите се променија, а сега Ана Винтур, поранешна уредничка на „Вог“, а сега глобален директор на „Конде Наст“, ја краси насловната страница на престижното модно списание.
Секако, не треба да се изостави и Мерил Стрип, без која идејата за оваа насловна страница не би имала смисла. Мајското издание на „Вог“ е посветено на продолжението на култниот филм „Ѓаволот носи Прада 2“ во кој Мерил игра една од главните улоги – Миранда Присли, уредничка на измисленото списание Runway.
Се верува дека Ана Винтур била инспирација и модел за ликот и делото на Миранда, а оваа претпоставка ја потврди и самата Ана во придружно интервју за Vogue.
„Би сакала да кажам дека е голема чест што Мерил ќе ме игра, без разлика колку е далеку Миранда од мене“, нагласува Винтур и додава: „Кој не би помислил дека тоа не е најнеобичниот подарок?“
Исто така, не треба да се изостават и нивните комбинации, кои симболично оддаваат почит на насловот на филмот. И Ана и Мерил одлучија да носат модни парчиња од Прада за оваа пригода, но со поинаква идеја за моден израз.
Додека Ана остана верна на макси фустаните со специфични детали во горниот дел, Мерил, во согласност со ликот и делото на Миранда Присли што ја игра, носеше преголемо одело кое го искомбинираше со бела кошула.
Погледнете го видео клипот објавен од самото списание подолу:
