Голманот на италијанската репрезентација, Џанлуиџи Донарума, го прекина молчењето по неуспехот во квалификациите за Светското првенство, не криејќи ги солзите и големото разочарување.
Капитенот на Италија, во интервју за „Скај Спорт“, рече дека се чувствува одговорен, но во исто време ги негираше информациите, дека побарал парични награди од Федерацијата. „Болката е голема, навистина голема…“ рече Донарума.
„Ова беа тешки и заморни денови, за мене и за целиот тим, за сите Италијанци кои навистина сакаа повторно да одиме на Светското првенство. За жал, не успеавме и мора да го прифатиме тоа и да продолжиме понатаму. Тешко беше да се разбере, но мора да почнеме одново, да реагираме и да продолжиме понатаму“, додаде тој.
Донарума конкретно се осврна на критиките и гласините што се појавија на социјалните мрежи.
„Ме повредија коментарите и зборовите што се појавија. Како капитен, никогаш не побарав ниту едно евро од репрезентацијата. Она што го прави Федерацијата е подарок за играчите што се квалификуваат за турнирот, но само тоа. Никој не побара ништо од Федерацијата.“
„Нашиот подарок требаше да биде пласман на Светското првенство, но за жал тоа не се случи. Никој не побара премии, тоа е наградата што ја дава Италија во случај на пласман“, објасни тој.
На крајот од разговорот, голманот не можеше да ги задржи солзите.
„Нормално е да се чувствуваме одговорни за сè што се случува сега и тоа боли. Но, мора да продолжиме понатаму, им благодарам на сите за важната поддршка што ни ја дадоа.“
„На крајот на краиштата, и покрај разочарувањето, постигнавме и важни работи, од освојување на Европското првенство до рекордот на последователни победи. Не е сè за фрлање. Мора да реагираме. Тешко е, но мора силно да продолжиме напред“, заклучи Донарума.
Foto/ Depositphotos
