На социјалните мрежи циркулира видео кое наводно е од гласачко место во Унгарија, каде што на гласачите не им е дозволено да дејствуваат независно, туку се принудени да влезат во гласачките места за да потврдат дека гласале за партијата Фидес на сегашниот премиер Виктор Орбан.
„Снимена е изборна измама на ФИДЕС! Луѓето влегуваат во гласачките места, не дозволувајќи им на граѓаните да гласаат приватно. Тие проверуваат дали заокружиле ‘правилно’. Апсолутно одвратно. Со ова се соочуваме во Унгарија“, се вели во објавата на мрежата Икс.
Election fraud by FIDESZ caught on tape! People are entering voting spaces, not letting the public vote privately. Theyre checking whether they crossed the “right” circle. Absolutely disgusting. This is what we’re up against in Hungary. pic.twitter.com/nlxrQ6w99r
— Wandy🇭🇺🇪🇺 (@Noirsoldat_) April 12, 2026
До 17 часот, излезноста на унгарските избори достигна 74,23 проценти, или 5.587.935 гласачи, со што е срушен апсолутниот рекорд од 2002 година од 73,5 проценти.
За споредба, во 2022 година, излезноста била 62,9 проценти во исто време. Унгарските медиуми наведуваат дека во 2002 година нема директно споредливи податоци за 17 часа, но тогашниот рекорд во вториот круг бил 67,87 проценти.
