Кремљ го коментираше обидот за атентат врз американскиот претседател Доналд Трамп, велејќи дека рускиот претседател Владимир Путин секогаш ги осудува насилството и обидите за атентат врз шефовите на држави.
„Путин секогаш постојано ги осудувал сите манифестации на насилство и сите обиди за загрозување на животите на државните лидери“, изјави портпаролот на Кремљ, Дмитриј Песков, на брифинг за медиумите.
На прашањето за можен телефонски разговор меѓу Путин и Трамп, Песков рече дека во моментов нема информации за тоа, но дека јавноста ќе биде информирана доколку разговорот се случи.
Во саботата навечер, 31-годишниот Кол Ален од Калифорнија беше уапсен откако пробил контролен пункт на безбедноста на Тајната служба и отворил оган во хотелот „Вашингтон Хилтон“ за време на годишната вечера на дописниците на Белата куќа.
Еден полицаец беше застрелан, но преживеа благодарение на неговиот панцир.
Ален имал пушка, пиштол и неколку ножеви со себе, а обвинителството вели дека планирал да нападне претставници на администрацијата на Трамп.
Тајната служба итно ги евакуираше Трамп, првата дама Меланија Трамп и членовите на кабинетот од салата.
