Неверојатен успех постигнаа фудбалерите на Тун, сезонава се најголемото изненадување во сите европски лиги.
Тун, благодарение на поразот од второпласираниот Сент Гален против Сион (0:2), математички го обезбеди првото место во плејоф групата за титулата и пласман во Европа.
Ден претходно, Тун претрпе втор последователен пораз во плејофот (против Базел), но досега собра доволно бодови и се оддалечи од своите ривали. Главната улога во нападот ја одигра македонскиот репрезентативец Елмин Растодер. Со учинок од 13 постигнати голови и седум асистенции
Титулата на клубот од Берн Оберланд добива уште поголемо значење ако се земе предвид дека минатата сезона тимот играше во втората лига. Ова е нивниот прв трофеј во историјата на клубот.
Досега, тие одиграа само две финалиња на Купот, и двете ги загубија, а еднаш го завршија првенството на второто место (2005).
Последен пат во 1952 година, се случи еден тим да влезе во елитниот ранг и да ја освои титулата за две сезони. Тогаш тоа го направија фудбалерите на Грасхоперс.
foto/ EPA
