Џенифер Лопез уште еднаш докажа дека е кралица на провокативните модни комбинации, а нејзиното најново издание можеше да предизвика скандал.
Позната по своите смели модни изданија, Џенифер Лопез повторно покажа како да носи ризични парчиња кои зрачат со тивок луксуз.
Неодамна присуствуваше на настан организиран од стриминг компанијата Netflix. За таа пригода, таа одлучи да носи комплет во пудра розова боја кој откриваше многу. Може да се каже дека горниот дел со длабоко деколте ја разбуди имагинацијата на многумина.
Поп дивата носеше струкирано сако украсено со интересни цветни детали, како и нежна, едвај видлива чипка. На изданието додаде и миди здолниште со набори, кое исто така се состои од чипка и сатенски панделки.
Модната комбинација на Лопез е дел од винтиџ пролетната колекција за 2004 година и е потпишана од познатиот дизајнер Жан Пол Готје.
За да го комплетира стајлингот, латино дивата се одлучи за брановидна фризура што паѓаше по рамената, како и шминка во природни, земјени тонови.
