Државниот секретар на САД, Марко Рубио, предупреди дека САД мора да спречат какви било случаи на ебола да влезат во земјата од Демократска Република Конго, каде што веќе се пријавени 220 сомнителни смртни случаи и 900 заразени.
„Не можеме и нема да дозволиме ниту еден случај на ебола да влезе во САД. Стејт департментот и другите агенции претставени овде, Центрите за контрола на болести, HHS и други, работат многу, многу напорно за да ја ограничат оваа криза во земјите каде што е моментално, особено во Демократска Република Конго. Затоа ја зголемивме помошта за да се осигураме дека е таму ограничена“, му рече Рубио на американскиот претседател Доналд Трамп на состанокот на кабинетот, пренесува Ројтерс.
Центрите за контрола и превенција на болести (CDC) на САД минатата недела воведоа ограничувања за влез во траење од 30 дена за патниците кои биле во ДР Конго, Уганда и Јужен Судан во претходните 20 дена, вклучувајќи ги и лицата со легални постојани жители – носители на зелена карта, додавајќи дека ќе ги проверуваат луѓето што патуваат од тие земји на три американски аеродроми.
