Џесика Симпсон отворено проговори за својата борба со алкохолизмот, презентирајќи претходно необјавена песна на сцената оваа недела.
45-годишната ѕвезда ја изведе песната „Give It All Away“ за време на концертот одржан во понеделникот во одморалиштето и казиното Јаамава во Калифорнија, а пред настапот детално им раскажа на публиката со какви проблеми се справува со алкохолот.
Во оваа пригода, таа истакна дека токму за тоа се работи во нејзината нова песна.
„Сфатив дека алкохолот не ја ублажува мојата болка, туку всушност ја влошува“, им рече таа на публиката преку видео.
„Искрено, сè уште сум во тој процес и го славам секој ден кога се чувствувам жива и присутна во сопственото тело. Многу сум горда на себе“, додаде таа.
„Чувствував дека е вистинскиот момент да ја споделам оваа песна со вас. Сакам сите да знаете дека мора да бидете нежни кон себе и дека сè ќе биде во ред ако само се опуштите. Токму за тоа се работи во оваа песна.“
Таа претходно многу отворено зборуваше за своите борби и патот до живот без алкохол. Минатиот ноември, таа ја прослави својата осма годишнина од апстинирањето од алкохол. Во оваа пригода, таа објави селфи на Инстаграм и зборуваше за улогата што алкохолот ја играше во нејзиниот живот, но и за тоа како одлуката да ја избере верата пред стравот промени сè.
„На овој ден пред осум години, решив да се соочам со самодеструктивните делови од мојот живот што самата ги избрав, да ги признаам и отфрлам“, напиша таа. „Таа одлука ми овозможи целосно да живеам во потрага по Божјата цел за мојот живот. Алкохолот ја задушуваше мојата интуиција, ги блокираше моите соништа и ги хранеше постојаните стравови од отпуштање“, продолжи таа, а потоа додаде: „Денес имам бистар ум. Денес ме води верата.“
„И стравот и верата се чувства што можеби не ги гледаме, но навистина ги чувствуваме. Среќна сум што ја избрав верата пред стравот. Не најдов сила во борбата, туку во отпуштањето“, заклучи таа.
