Врз основа на сопственото искуство, актерот Том Хенкс откри мудри совети на пејачката Тејлор Свифт за среќен и долготраен брак.
Актерот Том Хенкс и пејачката Тејлор Свифт неодамна присуствуваа на премиерата на новиот филм на Пиксар „Приказна за играчките 5“ во Лос Анџелес.
Во интервју за медиумите, Хенкс се осврна на многу теми, вклучувајќи го и идниот брак на Тејлор Свифт, која ја сними песната „I Knew It, I Knew You“ за гореспоменатиот филм, и нејзиниот партнер Тревис Келс.
Тој им ја откри тајната за среќен брак на идните сопружници.
„Мажот мора да прави вафли во недела“, откри Хенкс, кој е во брак со Рита Вилсон 38 години.
Сон од детството стана реалност
Како што вели Тејлор Свифт, можноста да напише песна за култната франшиза беше сон од детството. Таа ги опиша своите емоции детално во објава на Инстаграм.
„Па, тоа е ‘Приказна за играчките’“, напиша 36-годишната пејачка на почетокот на јуни. „Отсекогаш сонував да пишувам за ликовите што ги сакам, уште откако го видов првиот филм како петгодишно дете.“
Таа додаде дека новото продолжение веднаш ја освоило. „Се заљубив во ‘Приказна за играчките 5’ кога имав среќа да ги видам раните верзии на филмот и ја напишав оваа песна штом се вратив од проекцијата. Понекогаш едноставно знаеш, нели?“
