Иинтерпол денес го објави идентитетот на жената осомничена за бомбашкиот напад во Монако, чија цел беше украинскиот тајкун Вадим Јермолаев.
Интерпол објави црвена потерница на својата веб-страница за 39-годишната Украинка Анастасија Березовски. Според потерницата, Березовски има тетоважа, веројатно од змија, на десната рака, од рамото до лактот. Се вели дека има и темна коса и зборува германски.
Властите на Монако бараат нејзино апсење под сомнение за обид за убиство и други кривични дела. Осомничената оттогаш е видена во Германија, изјави извор за „Ројтерс“.
Денес, јавниот обвинител на Монако даде нови детали за истрагата, вклучително и информации за експлозивната направа што се користела во нападот. Тој рече дека бомбата била активирана со далечинско управување и дека истражителите веруваат дека неколку лица биле вклучени во нејзината изградба.
Тој додаде дека осомничената веројатно користела автомобил со германски регистарски таблички што патувал низ Италија и неколку други земји. Канцеларијата на државниот обвинител отвори истрага за обид за убиство, но случајот не е класифициран како терористички напад, изјави државниот обвинител Стефан Тибо.
