Меѓународната фудбалска федерација (ФИФА) објави дека немаше наместени натпревари за време на Светското првенство во 2026 година, објави „SBC News“.
Експертите на ФИФА изјавија дека не утврдиле постоење на наместени натпревари на Светското првенство. Претставници на организацијата ја следеа состојбата на пазарите за обложување во реално време, како и настаните на терен.
Формирана е посебна работна група за контрола на интегритетот на натпреварувањето. Таа беше составена од претставници на сите фудбалски федерации чии национални тимови учествуваа на Светското првенство во 2026 година, како и претставници на Федералното биро за истраги (ФБИ), Интерпол, Канцеларијата на Обединетите нации за дрога и криминал и Советот на Европа.
Во работата беа вклучени и експерти од компанијата „Спортрадар“ и Меѓународната асоцијација за интегритет на обложување, пренесуваат медиумите.
„Работната група за интегритет на ФИФА обезбеди сигурна основа за споделување разузнавачки информации, проценка на потенцијални проблеми и координирање на навремен одговор за време на Светското првенство во 2026 година“, рече Лиам Рич, виш менаџер за интегритет на ФИФА.
Во меѓувреме, британскиот весник „Гардијан“ на 19 јули објави дека приходите на ФИФА од Светското првенство во 2026 година, чии домаќини се САД, Канада и Мексико, ќе достигнат рекордни 15 милијарди долари.
ФИФА првично предвиде приходи од 11 милијарди долари, но значителен раст беше постигнат благодарение на услугите во угостителскиот сектор и продажбата на билети, особено на секундарниот пазар. На тој пазар, според британскиот весник, ФИФА добива по 15 проценти од купувачот и продавачот.
