Ким Кардашијан и Луис Хамилтон повеќе не се во тајна врска и сè почесто објавуваат заеднички работи на социјалните мрежи откако ја потврдија својата романса што трае со месеци. Тие моментално се на заеднички одмор, а возачот на Формула 1 објави неколку фотографии на кои е присутна и ријалити ѕвездата.
На една од сликите, Ким позира на лулашка во фустан со отворен грб, додека тој е во преден план, свртен со грб, што јасно укажува дека уживаат во своите заеднички моменти и дека апсолутно повеќе немаат што да кријат.
„Само дел од летниот одмор. Благодарен сум за овие денови одмор. Се враќам на патеката полн со енергија и подготвен“, напиша популарниот Луис.
Тој сподели и неколку семејни моменти, од плажа, од манастирот, а неодамна помина време со семејството на Ким Кардашијан и позираше со нејзините деца.
Гласините за нивната врска траеја со месеци, сè додека во јуни ријалити ѕвездата не објави нивни заеднички слики, со што потврди дека има нова љубов.
