Арон Ван-Бисака ќе и се приклучи на Астон Вила од Вест Хем. Искусниот дефанзивец ќе се пресели во Бирмингем на едногодишна позајмица, по што Вила ќе биде обврзана да го откупи неговиот договор.
Договорот дојде откако Вест Хем ја отфрли првата понуда на Астон Вила која вклучуваше само позајмица. Сепак, клубовите најдоа компромисно решение во форма на позајмица со задолжителен откуп, пишува Би-Би-Си.
Иако финансиските детали не се официјално објавени, британските медиуми објавуваат дека Вест Хем инсистирал на обештетување од околу 25 милиони фунти. Компромисот во форма на позајмица со обврска за откуп му гарантира на лондонскиот клуб, кој минатата сезона испадна од Премиер лигата, сигурен приход на крајот од сезоната.
Желбата на дефанзивецот за експресно враќање во елитните редови и можноста да игра во Лигата на шампионите беа клучни фактори што ги забрзаа преговорите. Од друга страна, менаџерот на Астон Вила, Унаи Емери, ја стави позицијата десен бек како приоритет.
Поради учеството во Лигата на шампионите, на шпанскиот стручњак му беше потребно квалитетно засилување кое ќе ја зголеми конкуренцијата за Мети Кеш и ќе ја внесе потребната длабочина во тимот.
Арон Ван-Бисака кариерата ја започна во академијата на Кристал Палас, од каде што се пресели во Манчестер Јунајтед во 2019 година за 50 милиони фунти. По пет години на „Олд Трафорд“, во летото 2024 година пристигна во Вест Хем, каде што беше еден од клучните играчи.
Foto/ depositphotos
