Филмскиот фестивал во Венеција официјално е отворен, а омилениот пар на Холивуд блесна на црвениот тепих.
Како и секоја година, Филмскиот фестивал во Венеција собира бројни ѕвезди од целиот свет.
Овогодинешниот 83-ти ќе биде од големо значење за актерот Џорџ Клуни, бидејќи ќе ја добие наградата за животно дело.
Премиерата на филмот „Ink“ го отвори овој престижен филмски настан, а веќе имаме можност да бидеме сведоци на парадата на познатите ѕвезди на црвениот тепих.
И, секако, омилениот пар на Холивуд, Џорџ и Амал Клуни, беа првите што се претставија на публиката, а вниманието, како и многу пати досега, го украде прекрасната Амал.
Позната по својот елегантен и ненаметлив стил, за оваа посебна вечер носеше минималистички фустан со прерамки. Станува збор за структуриран фустан од Том Форд кој ја следи линијата на телото и ја нагласува нејзината витка фигура.
Креацијата претставува комбинација од тивок луксуз и безвременска црна елеганција и совршено ја евоцира модната изјава на избраничката на Клуни. Амал го надополни стајлингот со брановидна фризура, чантичка и шминка во гола боја што ја нагласуваше нејзината природна убавина.
Што се однесува до нејзиниот сакан, тој остана верен на класичната мода, а за овој важен настан носеше смокинг, докажувајќи дека елеганцијата никогаш не излегува од мода.
