Претседателот на Галатасарај, Дурсун Ајдин Озбек, остро ги негираше гласините и шпекулациите во турските медиуми и на социјалните мрежи за наводното заминување на тренерот Окан Бурук.
Повод за шпекулации беа дебаклот на Галатасарај од Трабзонспор со 4:0, во шестото коло од турското првенство.
Сепак, првиот човек на клубот целосно застана во заштита на тренерот, нагласувајќи дека натписите за наводните несогласувања и отпуштањето на Окан Бурук се измислени.
„Неодамна, во медиумите и на некои профили на социјалните мрежи – наводно во мое име и во име на советот на директори на клубот – имаше тврдења за ситуацијата околу главниот тренер Окан Бурук и тимот. Овие пораки не одговараат на реалноста“, истакна претседателот на клубот.
Озбек рече дека веднаш по натпреварот со Трабзонспор, тој лично го повикал Бурук за да му даде апсолутна поддршка.
„Во постојан контакт сме со Окан. Јас лично го повикав по натпреварот со Трабзонспор, за да му ја изразиме нашата поддршка и да ја потврдиме нашата целосна доверба. Дополнително, по неделниот тренинг, одржавме состанок на врвот на клубот: разговаравме за моменталната состојба во тимот и плановите за претстојниот период. Нашата доверба во Бурук и довербата во него беа безусловни и пред тоа, а такви остануваат и денес.“
Галатасарај моментално е втор на табелата во турската Суперлига со ист број бодови како и водечкиот Амед, најпријатното изненадување на првенството.
