Италијанскиот актер и модел Микеле Мороне неодамна привлече големо внимание со појавувањето во втората сезона на серијата The Gentlemen, но сега неочекувано стана мета на коментари на социјалните мрежи.
Згодниот италијански актер се прослави со улогата во филмот „365 Days“, а оттогаш неговите објави на социјалните мрежи речиси веднаш доспеваат во центарот на вниманието.
Сепак, и покрај неговиот впечатлив изглед, Микеле веројатно никогаш не замислувал дека ќе стане предмет на потсмев на интернет – и тоа поради видео на кое свири на пијано.
Видеото открива детали од неговиот дом, вклучително и портрет на кој тој ја држи сопствената отсечена глава. За многумина, ова беше знак дека Мороне е претерано егоцентричен.
„Не постои поголем знак за скромност од овој автопортрет“, „Тој е својот најголем обожавател“, „Ми оди на нерви“, „Веројатно и на телефонот ја има својата слика“ и „Знам дека ќе ме мразите поради ова, но тој е машката верзија на Сидни Свини“ – ова беа само дел од коментарите под објавата.
Досега, Микеле Мороне беше навикнат исклучиво на пофалби на социјалните мрежи, па останува нејасно како се справува со овие критики.
