Американската актерка Обри Плаза се врати во јавноста само седум недели откако стана мајка, појавувајќи се на гламурозната премиера на новата серија East of Eden во Њујорк.
Ѕвездата на серијата The White Lotus, Обри Плаза, го привлече вниманието со својата елегантна, целосно црна комбинација, како и со фактот дека ова беше едно од нејзините први јавни појавувања по раѓањето на нејзината ќерка.
Актерката пристигна на премиерата – одржана во престижниот хотел „Плаза“ – во софистицирано издание составено од проѕирна црна блуза, сако и здолниште со должина до колена.
New parents Aubrey Plaza and Christopher Abbott arrived together at the East of Eden premiere, then took turns on the carpet. Aubrey shared a smile and a quick turn before heading out, and Christopher had his moment next. The couple welcomed their first child together this summer 🥳 congratulations to them! 💛💐 @netflix
— New York Mickey (@MickmickNYC) October 1, 2026
Иако со ненаметлив, сепак впечатлив изглед, актерката покажа дека одлично се снаоѓа на црвениот тепих, и покрај тоа што неодамна помина низ големи животни промени.
На премиерата ѝ се придружи нејзиниот партнер, Кристофер Абот, кој толкува улога во оваа долгоочекувана серија. Парот започна врска минатата година, а по раѓањето на ќерката, се преселија од Лос Анџелес на источниот брег на САД.
Враќањето на Обри во центарот на вниманието привлече посебно внимание со оглед на настаните од неодамнешното минато.
Во јануари 2025 година, почина нејзиниот сопруг Џеф Баена – режисер и сценарист со кого беше во брак со години. Баена изврши самоубиство, а неговата смрт претставуваше поразителен личен удар за актерката.
Сега, седум недели по породувањето, Плаза повторно се појави во јавноста – овојпат во придружба на својот партнер и пред бројни фотографи.
Нејзиното појавување на премиерата покажа дека, по исклучително тешкиот период, таа започнала сосема ново поглавје во својот живот.
