Дијамантски ум. Никој не е како нејзе, дури ни она! Како и текнуат вакви работи, само господ знае. За разлика од сите што не престанале со фотографии, Тања никогаш не ја објавува својата. Да не ја урочат!
- Сѐ уште ме мачи како чевличките на Пепелашка не се претворија во опинци на полноќ.
- Најдобриот рецепт за домашен мајонез е немање покачен холестерол.
- Бела техника е збирна множина. Размисли малку околу тоа.
- Се разбудив во афект.
- Ми се игра со коњ. Намести го шахот.
- Краток фитиљ преполага за издувен вентил.
- Идеја падавичарка е изложена на Саем за опасности.
- Повелете во нашите количества мозок. Побрзајте, количините се ограничени.
- Таква си се родив, со скрстени раце.
- Акустичен рефлекс е пуштен на условно.
- Волшебното самарче се товари со кражба на летечки килими.
- Искуството покажува особен интерес и успех.
- А ти можеш долната усна да си ја дофатиш со горната? Браво! Ајде сега биди така некој саат.
- Зошто идеш со непеглано палто? – Пеглано ми е во кубизам.
- Идејата ми содржи ѓевречиња, затоа имам сусам во реченицава.
- Не е ждриг тоа, пивски минимализам е. (Друга верзија: Ждриг е пивски минимализам.)
- Кафето не ми збори додека не се напијам од него.
- Слушај ко ништо да не разбираш. Зборувај ко сѐ да си разбрал.
- Ако доволно се сконцентрираш на битните работи во твојот живот, ќе почнеш да мислиш дека истите работи се битни во сечиј живот.
- На чело на супените зеленчуци стои пашкан, кој раководи и со управувачкото тело познато како пашканат.
- Мамоо, несолена ми е супата. – Плачи над тањирот.
- Немам возено мотор so far.
- Те сакам Достоевски и назад.
- Широка палети производи од Допаминка.
- Прокрастинација со сѐ иде.
- Ама Вие сте убава однатре, Ваше Множество
- Не е сѐ во изгледот, само тоа што ми треба.
- Им прилегам на повредите.
- Он: Магарето е криво! Магарето: Он ме насамари!
- Јогурту, те обожавам! – Баш ми е ќефир.
- И тогаш пијаницата ја раскажа својата потрезна приказна.
- Секој е добар кога плачете заедно.
- Толку добро чувам службени тајни што вратите на работа сами ми се отвараат.
- Шампон математичар пресметува волумен на коса.
