И покрај фактот што поминаа десеттина дена откако доктор Жан Митрев кажа јавно за намерите на Венко Филипче да ја преземе Клиничката болница која тој ја води, молк од Филипче, но молк и од надлежните институции како Јавното Обвинителство, истакна на прес-конференција Бране Петрушевски, пратеник на ВМРО-ДПМНЕ.
Во Јавното Обвинителство, кажа тој, има повеќе од доволно информации врз чија основа може да покрене постапка.
„Овде пред Јавното Обвинителство, ќе повториме кратко за што станува збор.
Очигледно е дека планот за преземањето на Клиничката болница од Филипче заедно со неговиот другар Зоран Заев и тогашен премиер, било добро планирано.
Филипче и Заев ги применувале за нив добро познатите техники како изнуда, притисоци, а ветувале и дека ќе влијаат во судската постапка во која страна е доктор Жан Митрев.
Планот, евидентно дека не поминал но и добро е што не поминал, бидејќи планот на Филипче вклучувал и еден вид на приватизација на јавни пари или пари на граѓаните.
Како? На тој начин што Филипче ја зголемил сумата од ФЗО која се префрла кој болницата, или сумата во 2020 година достигнала околу 11 милиони евра, што е скоро дупло за разлика од сумата која е одвоена за болницата во 2015 година“.
Многу едноставно вели Петрушевски, Филипче ја зголемувал сумата која се префрла од ФЗО кон Клиничката болница, а истата сакал да ја преземе за багателна цена.
„За тоа што Филипче не сака да одговори во јавност, му судат граѓаните на избори.
Но, Јавното Обвинителство е должно да го испита секој случај во кој постои барем и мал сомнеж за криминал и корупција.
Затоа денеска уште еднаш го повикуваме Јавното Обвинителство да ги разгледа информациите и да потстапува“.
