Времето денеска ќе биде сончево со мала до умерена облачност, а попладне на повеќе места се очекува нестабилност проследена со пороен дожд, грмежи и засилен ветер.
Според Управата за хидрометеоролошки работи, ќе дува слаб до умерен ветер од северозападен правец. Утринските температури ќе се движат од 7 до 16 степени, додека дневните ќе достигнат од 24 до 33 степени.
Во Скопје ќе преовладува сончево време со мала до умерена облачност и слаб до умерен северозападен ветер. Во попладневните часови во делови од котлината ќе има услови за краткотраен пороен дожд и грмежи. Температурата ќе се движи од 12 до 30 степени.
Метеоролозите најавуваат релативно топло време и во текот на новата седмица. Претпладневните часови ќе бидат претежно сончеви со променлива облачност, додека попладне повторно ќе има услови за локална нестабилност со дожд, грмежи и засилен ветер.
Пообилни врнежи и поинтензивни временски процеси се очекуваат во четврток.
