Вчера во 22:10 часот во Струмица, полициски службеници од СВР Струмица го лишија од слобода 48-годишниот Љ.Ѓ. од Струмица.
При претрес во неговиот дом, извршен со судска наредба, како и при личен претрес на Љ.Ѓ., биле пронајдени и одземени пакувања со хероин и кокаин, две дигитални ваги и други предмети со остатоци од прашкаста материја.
Лицето е задржано во Полициската станица Струмица, а за настанот е известен јавен обвинител од Основното јавно обвинителство Струмица. По документирање на случајот ќе биде поднесена соодветна пријава, соопшти МВР.
