Шеснаесетгодишник на мопед тешко повреден во сообраќајка во Прилеп

Шеснаесетгодишник од селото Алинци, прилепско, е тешко повреден во сообраќајна несреќа меѓу мопед и автомобил на булеварот „Гоце Делчев“ во Прилеп.

Несреќата била пријавена вчера, 9 октомври, во 10:40 часот во ОВР Прилеп. Во неа учествувале автомобил „опел“, управуван од К.Ш. (72) од Прилеп, и мопед што го управувал малолетникот. Двете возила имале прилепски регистарски ознаки.

По несреќата, малолетникот бил пренесен во Градската болница во Прилеп, каде што му биле констатирани тешки телесни повреди.

Увид извршила екипа на ОВР Прилеп.