(Видео) Цветаноски: Арамијата Мицкоски одби да им помогне на земјоделците
Арамијата Мицкоски и неговата криминална влада уште еднаш покажаа дека не им се важни земјоделците – луѓето што ја хранат државата. Пратениците на ВМРО, ЗНАМ и ВЛЕН застанаа против земјоделците. Го одбија предлог-законот на СДСМ за финансиска поддршка на земјоделците, изјави Симона Цветаноски од СДСМ.
„Ги оставија земјоделците сами, на цедило, среде криза, кога земјоделството е пред колапс. Застанаа против лозарите. Гласаа против тоа да добијат 8 денари за килограм произведено и продадено грозје од сортите „Вранец“ и „Кратошија“, како и 300.000 денари по хектар за оние кои нема да успеат да го продадат грозјето. Застанаа против производителите на пиперката ајварка. Гласаа против тоа да добијат 10 денари за килограм продадена пиперка и 200.000 денари по хектар евидентирана засадена површина. Зсатанаа против производителите на пченица. Гласаа против да добијат 5 денари за килограм пченица. Против сточарите, гласаа против да добијат 8.000 денари по грло говедо, а оризарите да добијат 10 денари за килограм произведена и продадена оризова арпа“, рече таа.
Според Цветноаски, тоа е вистинското лице и лицемерие на арамијата. „Нема пари за земјоделците, ама има пари за криминални партиски тендери и договори. Пред избори ветуваа земјоделска преродба, повисоки субвенции, сигурен пласман и повисоки откупни цени – а направија пустош. Се што ветија излажаа. Како сега ќе ги погледнат земјоделците во очи“, праша Цветаноски.
