Неверојатен четврти натпревар од финалето на НБА плејофот во „Медисон Сквер Гарден“, одиграа Њујорк и Сан Антонио. На крајот, Никс победија со 107:106 за водство од 3:1 во серијата.
Спарс имаа сè во свои раце, водеа со 29 поени разлика, а имаа огромна предност дури и во четвртата четвртина. Девет и пол минути пред крајот беше 95:75. Очекувано беше изедначување на 2:2 во серијата.
Но тогаш се појавија Бренсон и Ануноби, ги шокираа Мамузите, го доведоа „Медисон Сквер Гарден“ до ерупција и се доближија до победа од шампионската титула, прва по 1973 година.
На крајот од првата четвртина беше 41:22. Ништо подобро не беше за Никс ниту во втората четвртина, во која водството на гостите не падна под 20 поени. Сан Антонио имаа и +29 – 71:42. На полувреме 76:49.
Малкумина веруваа во пресвртот, но овој тим на Никс веќе покажа во овие плејоф натпревари дека карактерот е нивниот најголем адут. Тие конечно успеаја да победат во една четвртина, ја намалија разликата на 15 пред последните 12 минути – 90:75.
А потоа Спарс започнаа како ураган, постигнувајќи пет поени и одлепувајќи се на психолошки катастрофални +20 во четвртата четвртина – 95:75.
Никс возвратија со уште една серија, на 82 секунди до крајот го имаа првото водство, а победија со поените на О Џи Ануноби, од одбојка на една секунда до крајот.
На крајот, Брансон беше најефикасен со 36 поени и седум асистенции. Херојот, Ануноби забележа 33 поени, Таунс уште еден дабл-дабл од 13 поени и 10 скока. Од друга страна, Вембањама исто така имаше дабл-дабл со 24 поени и 13 скока. Харпер постигна 21, а Фокс и Весел додадоа по 18 поени.
Серијата се враќа во Сан Антонио за петтиот, потенцијално последениот натпревар во сабота навечер кон недела. Последниот пат кога еден тим ја стигнал негативата од 3-1 во финалето беше пред точно 10 години кога Кливленд Кавалирс ги победија Голден Стејт Вориорс.
Foto/ EPA
