Леон Горецка (31), без обесштетување, ќе го напушти Баерн Минхен по завршувањето на сезоната. Фаворити за неговиот потпис се Арсенал и Интер.
Горецка, како што пишува фудбалскиот портал „Гол“, поставил јасни финансиски услови за својот следен клуб. Бара тригодишен договор додека се подготвува за ново поглавје во својата богата кариера.
Германскиот репрезентативец бара загарантиран тригодишен договор со нето плата од 6,5 милиони евра по сезона. За Интер, исполнувањето на тоа барање би значело дека Горецка би станал еден од најплатените играчи во тимот, во рангот на Николо Барела и Хакан Чалханоглу.
Леон Горецка кариерата ја започна во Бохум, а во јули 2013 година се пресели во Шалке за 3,25 милиони евра. Остави длабока трага во Гелзенкирхен, постигнувајќи 19 гола на 147 натпревари, што му го обезбеди трансферот во Баерн Минхен како слободен играч во 2018 година.
Неговиот престој во Баварија беше исклучително успешен. Во 296 натпревари, тој освои шест титули во германскиот шампионат и Лигата на шампионите во 2020 година. Дебитираше за германската репрезентација во мај 2014 година, а оттогаш има 67 настапи и 15 голови.
Foto/ Depositphotos
