Голманот на Манчестер Сити, Џејмс Трафорд, е новото засилување на Лидс, кој ќе плати до 45 милиони фунти, вклучувајќи бонуси, како обештетување на „Граѓаните“.
23-годишникот е третото засилување на Лидс ова лето, по Тарик Мухаремовиќ од Сасуоло и Хари Вилсон кој го напушти Фулам по истекот на договорот.
Сити задржа и 20 проценти од следниот трансфер на голманот на англиската репрезентација.
Ова е третиот најскап трансфер на голман, по Кепа Аризабалага, кој се приклучи на Челзи за 68 милиони фунти во 2018 година од Атлетик Билбао, и Алисон, за кого Рома заработи 62 милиони фунти од Ливерпул истата година. Исто така ова е најголемиот трансфер на Лидс во нивната историја.
Лидс бараше нов голман откако Карл Дарлоу се пресели во Манчестер Јунајтед како слободен играч.
Лукас Пери е сè уште член на клубот, иако во текот на сезоната 2025/26 го загуби своето место во тимот токму од Дарлоу, додека Алекс Кернс е исто така во конкуренција.
Лидс беше заинтересиран за англискиот репрезентативец и минатото лето, но Трафорд го избра Манчестер Сити. Тој очекуваше да биде стартер и на „Етихад“, но потоа тимот предводен од Пеп Гвардиола до неодамна го донесе и Џанлуиџи Донарума, кој беше стандарден.
Трафорд минатата сезона одигра 17 натпревари за Манчестер Сити, сите во Лига Купот и ФА Купот – натпреварувања во кои Сити освои трофеи.
Џејмс Трафорд е продукт на младинската академија на Манчестер Сити, но не дебитираше за првиот тим за време на неговиот прв престој во клубот. Тој беше позајмен во Акрингтон Стенли и Болтон Вондерерс, пред да се пресели во Барнли во 2023 година.
Одигра 73 натпревари за Барнли, а во сезоната 2024/25 постави рекорд во Чемпионшип со дури 30 натпревари без примен гол, по што се врати во Манчестер Сити.
Дебитираше за репрезентацијата на Англија во март и досега има два настапи за сениорскиот тим. Ова лето беше дел од селекцијата предводена од Томас Тухел – на Светското првенство – но не доби шанса да игра.
Џордан Пикфорд од Евертон беше прв голман, додека Дин Хендерсон од Кристал Палас бранеше во натпреварот за третото место против Франција.
Foto/ EPA
