Чоло Симеоне џентлмен, Антоан Гризман провокатор

Ретко се случува еден тим да слави по пораз од 0:3, но Атлетико Мадрид го имаше тој луксуз во реваншот од полуфиналето на Купот на кралот. Барселона беше убедлива, но не доволно за да го надомести поразот од првиот натпревар (4:0), поради што „јорганџиите“ се пласираа во финалето.

Атлетико Мадрид го слави пласманот во првото финале, во Купот На Кралот по 2013 година, кога го освоија трофејот.

Сепак, секој имаше своја реакција по натпреварот. Диего Симеоне остана критичен, но полн со честитки за својот противник, додека Антоан Гризман се одлучи за славење.

Во март 2025 година, каталонскиот клуб на социјалните мрежи објави: „Дали оваа слика е премногу сурова?“

Гризман беше во преден план на таа фотрафија. Францускиот ас, речиси една година чекаше да му се одмазди на поранешниот клуб.

По пласманот во финалето, објави идентичен натпис на својата објава. Разликата е што сега играчите на Барселона во очај лежат на тревата.

Од друга страна, популарниот Чоло се одлучи за поскромен пристап. Тој им се приближи на противниците, им честиташе за одличниот настап.

Во интервју по натпреварот, ги пофали Рафиња и Педри, кои ги смета за фантастични играчи, а потоа додаде:

„Му кажав на Ханси Флик дека Барселона игра брилијантно, дека се врвен тим. Исто така, му кажав дека се надевам дека ќе се сретнеме во четвртфиналето на Лигата на шампионите на УЕФА“, рече Диего Симеоне.

Поврзани вести

Scroll to Top