Сан Антонио Спарс ги победија Оклахома Сити Тандер со 111:103, ја освоија титулата во Западната конференција и се пласираа во големото финал во НБА лигата. Виктор Вембањама беше прогласен за МВП на финалната серија.
Виктор Вембањама и Сан Антонио Спарс го отворија финалето на Западната конференција со победа во Оклахома Сити, а серијата ја завршија на ист начин.
Вембањама постигна 22 поени (7/15 од поле) со 7 скока, Џулијан Шампањ постигна 18 од своите 20 поени со шут за три поени и имаше шест украдени топки.
„Не можам да го опишам ова чувство. Толку е моќно“, рече Вембањама.
Стефон Касл имаше 16 поени со шест скока, една асистенција и една изгубена топка, додека Дирон Фокс додаде 15 со пет асистенции.
Дилан Харпер го заврши натпреварот со 12 поени и седум скока, а Келдон Џонсон и Девин Васел имаа по 11 за Спарс, кои се пласираа во финалето на НБА за прв пат од 2014 година.
Во првиот натпревар од финалната серија, кој е закажан за среда навечер, тие ќе бидат домаќини на Њујорк Никс, а Спарс ќе бидат фаворити според обложувалниците. Овие два тима се бореа за титулата и во 1999 година, кога Сан Антонио ја освои титулата.
Шеј Гилџис-Александер ги предводеше Тандер со 35 поени (12/21) и девет асистенции, но НБА ќе има нов шампион осма сезона по ред.
Кејсон Волас постигна 17 поени со седум скока, додека Џаред Мекејн и Алекс Карусо додадоа по 12 за Оклахома.
Foto/ EPA
