Името на Јанис Адетокумбо се повеќе се поврзува со можно заминување од Милвоки, а сега во приказната се приклучи уште една франшиза, Феникс Санс.
Според најновите информации што ги објави „Еурохупс“, Санс се споменуваат како една од потенцијалните дестинации за грчката суперѕвезда пред летото 2026 година, доколку дојде до конечна разделба со Бакс.
Засега, сè е во доменот на шпекулации, но ситуацијата во Милвоки станува сè потензична. Несогласувањата меѓу Јанис и клубот околу управувањето со неговото здравје станаа јавни, а НБА дури и започна истрага според своите правила за учество на играчите.
Од една страна, Адетокумбо тврди дека бил подготвен да игра, додека Бакс имале поинаков став. Во таа ситуација, Феникс ја гледа својата шанса.
Можноста Јанис да игра покрај Девин Букер, како и амбициозната визија на сопственикот Мет Ишбија, го прават ова сценарио особено интересно.
Сепак, важно е да се нагласи – сè уште нема конкретни преговори.
