(Видео) Аргентина ја прегази Боливија, блескаше Лаутаро

Аргентина во Кордоба го направи она што се очекуваше од неа, убедливо ја победи Боливија со 4:0. Сепак, овој пат не беше толку важно како Аргентина стигна до победата, колку што беше важно тоа што го направија тоа без својот талисман и најголема ѕвезда, Лионел Меси.

Головите за Аргентина ги постигнаа Лаутаро Мартинез, Нико Паз, Кристијан Ромеро и Хозе Мануел Лопез, во првиот натпревар на „гаучосите“ откако Меси објави повлекување од репрезентацијата на крајот на август.

Во текот на својата кариера, Меси одигра 207 натпревари за Аргентина и со 125 гола е најдобриот стрелец во историјата на репрезентацијата. Од нив, тој постигна 21 гол на Светските првенства.

Патем, против Боливија, капитенската лента ја носеше Ромеро.

Меси уште еднаш ќе го носи дресот на Аргентина. За легендарниот напаѓач е закажан проштален натпревар против Бенин на 6 октомври во Буенос Аирес. Пред тоа, оваа селекција ќе се соочи со Буркина Фасо во уште еден пријателски натпревар на 3 октомври.

Foto/ EPA