Барселона, по неуспешниот обид да го реализира трансферот на Хулијан Алварез, наводно повторно го насочила вниманието кон Лаутаро Мартинез.
Според информациите од Џерар Ромеро, каталонскиот клуб се обидува да направи нов потег кон капитенот на Интер, додека „ТНТ Спортс Аргентина“ тврди дека Барселона би можела да понуди дури 100 милиони евра.
Наводно, Лаутаро „ја отворил вратата“ за можен трансфер, но реализацијата на зделката изгледа многу тешка.
Аргентинецот има договор со Интер до јуни 2029 година, тој е капитен на тимот и еден од неговите најважни играчи.
Неговиот менаџер, Алехандро Камано, јасно стави до знаење уште во мај: „Лаутаро е среќен во Интер. Тој рече дека не сака да си замине“.
Трансферот би бил дополнително комплициран бидејќи новата сезона во Серија А започнува овој викенд, па Интер би имал многу малку време да најде замена за својот најдобар играч.
Барселона претходно се обиде да го доведе Алварез, но Атлетико Мадрид одби да преговара за негова продажба.
Затоа Лаутаро сега се споменува како алтернатива, иако неговото заминување од Интер во овој момент изгледа малку веројатно.
Foto/ Depositphotos
