Хулијан Алварез доживеа жесток пречек од навивачите на Атлетико откако изрази желба да го напушти клубот и да и се приклучи на Барселона. Атлетико Мадрид и Виљареал одиграа 2:2 во второто коло од Ла Лига, но резултатот остана во сенка на сè што се случи на стадионот „Метрополитано“ околу Алварез.
Аргентинскиот напаѓач за прв пат се соочи со навивачите на Атлетико откако јавно, во текот на Светското првенство, изрази желба да го напушти клубот и, како што рече тогаш, да го исполни својот сон „да игра за Барселона“.
Од тој момент, започна трансфер сагата.
Алварез сака трансфер на Камп Ноу, додека Атлетико не сака да чуе за неговото заминување.
Од мадридскиот клуб истакнуваат дека Аргентинецот има договор до 2030 година и откупна клаузула од дури 490 милиони евра.
Свирежи од трибините
Los silbidos de los hinchas del Atlético Madrid a Julián Álvarez. 🚨🇪🇸🇦🇷
La cara de un hombre mentalmente destruido. Suéltenlo. pic.twitter.com/CVHEQQaEwR
— San Marino Fútbol 🇸🇲 (@SanMarinoTeam) August 23, 2026
Навивачите на Атлетико, првото незадоволство го покажаа за време на презентацијата на составот.
Кога официјалниот спикер го извика името на Алварез, од трибините избувнаа гласни свирежи.
Ситуацијата стана уште понепријатна во 66-та минута, кога Диего Симеоне одлучи да го внесе Аргентинецот во игра.
Алварез се упати кон теренот со нови свирежи, а дел од навивачите скандираа против Барселона и Каталонија.
Más silbidos. El ingreso de Julián Álvarez en Atlético de Madrid vs Villarreal. pic.twitter.com/YTWAaTwzIa
— Pablo Giralt (@giraltpablo) August 23, 2026
Откако влезе во игра, речиси секој контакт што го имаше со топката беше проследен со протести, а од трибините можеше да се чуе:
„Кажете му да си оди, кажете му да си оди!“
Атмосферата беше далеку од идеална за напаѓачот кој требаше да биде еден од клучните играчи на Атлетико.
Алварез веднаш отиде во соблекувалната
This is just unprofessional from Julian Alvarez, not going to lie.
A couple of years ago, he wanted to leave City because he was a substitute, behind Haaland in the pecking order.
Atletico Madrid gave him the spotlight, paid a fortune to him and for him, built their entire team…
— CitySide (@CitehSide) August 23, 2026
Драмата продолжи и по последниот свиреж на судијата.
Играчите на Атлетико останаа на теренот за да ги поздрават навивачите, но Алварез не беше меѓу нив.
Аргентинецот веднаш отиде во соблекувалната, а тренерот и соиграчите потоа јавно го бранеа.
Голманот Јан Облак повика на единство.
„Мислам дека сите мора да бидеме обединети. Хулијан е дел од нашиот тим и, додека е тука, ќе ја има нашата поддршка. Му посакуваме се најдобро бидејќи знаеме како може да придонесе. Ова е непријатна ситуација за сите, но се надевам дека на крајот од сезоната сè ќе се реши и дека сите ќе бидеме среќни“, рече Облак.
Симеоне: „Мора да се грижиме за него“
Диего Симеоне, како што се очекуваше, се обиде да ја смири ситуацијата и нагласи дека Алварез ќе ја има неговата поддршка сè додека е играч на Атлетико.
„Се натпреваруваме со играчите што ги имаме. До денес, им велев на играчите, пред да излезат на теренот, дека сè додека се во тимот, целосно стојам зад нив. Ни требаат напаѓачи, добри напаѓачи. Го имаме Алварез и мора да се грижиме за него“, рече Симеоне.
Аргентинскиот стручњак, исто така, коментираше за фактот дека Алварез не остана со тимот на теренот по натпреварот.
„Тоа не беше одлука на Хулијан. Клубот одлучи така, рекоа дека не треба да оди со другите. Не сум во позиција да им давам совети на навивачите, да им кажувам што треба да прават, а што не. Морам да се фокусирам на тимот и што се случува на теренот. Сè во корист на Атлетико Мадрид“, рече Симеоне.
Слична судбина со Гризман?
Алварез сега е во ситуација што во голема мера потсетува на она низ што помина Антоан Гризман пред неколку години.
Французинот го напушти Атлетико и се пресели во Барселона во 2019 година, но се врати во Мадрид две години подоцна.
На крајот од минатата сезона, пред да замине за САД, Гризман го искористи збогувањето со навивачите за повторно да им се извини што заминаа за Барселона.
„Знам дека повеќето од вас веќе ми простија, а некои од вас можеби сè уште не, но сакам уште еднаш да се извинам што отидов во Барселона. Не бев свесен за љубовта што ја имав тука. Бев многу млад. Тогаш направив грешка, но размислував за сè и се потрудив да се вратам и повторно да уживам во сето ова“, рече Гризман.
Алварез сега поминува низ многу потежок период. Навивачите јасно му покажаа што мислат, додека од клубот вели дека нема намера да се откаже од него.
Атлетико не попушта, Алварез сака да си замине, а наредните денови би можеле да донесат нови епизоди од една од најголемите трансфер саги ова лето.
Foto/ EPA
