„Додека не се пензионире Златната топка треба да оди кај Меси“

Човекот што ќе ја наследи капитенската лента во репрезентацијата на Аргентина, од Лионел Меси, Кристијан Ромеро, отворено агитира за славниот сонародник во приказната околу Златната топка.

Ромеро вели дека Меси е единствениот што заслужува да ја добива престижната награда секоја година.

„Златната топка треба да му се даде на Меси. Додека не се пензионира, тоа е јасно. Никој не е како него. Кога ќе одлучи да не игра повеќе, ќе видиме на кого да му ја дадеме“, рече Ромеро.

Лионел Меси ја освоил оваа награда рекордни осум пати. А главни фаворити оваа година се поранешниот соиграч на Ромеро, Хари Кејн, потоа Килијан Мбапе и шпанскиот тандем Родри – Ламин Јамал.