Британскиот Центар за поморски трговски операции (УКМТО) го прогласи нивото на закана во Ормутскиот Теснец за „сериозно“, што претставува највисок степен на опасност за меѓународниот поморски сообраќај. Иако Иран тврди дека теснецот е затворен, британските власти соопштија дека јужниот поморски коридор останува отворен и е проширен за двонасочен сообраќај.
JMIC Advisory Note: 014-26
Click here to view the full advisory note⤵️ https://t.co/8GmvndmpTA#MaritimeSecurity #MarSec pic.twitter.com/TXe0hiIKun
— UKMTO Operations Centre (@UK_MTO) July 12, 2026
Во меѓувреме, Велика Британија повика на итно повторно отворање на Ормутскиот Теснец и продолжување на дипломатските преговори. Британскиот министер за трговија Крис Брајант порача дека сите страни треба да ја намалат ескалацијата и да се вратат на преговарачката маса.
Иранскиот главен преговарач Мохамад Бакер Калибаф, пак, предупреди дека САД „ќе ја платат цената“ доколку не се придржуваат до потпишаниот договор меѓу двете земји.
The era of one-sided deals is OVER. We told you: keep your word or pay the price. Reality is knocking. pic.twitter.com/B97ogCYGaj
— محمدباقر قالیباف | MB Ghalibaf (@mb_ghalibaf) July 12, 2026
Претходно, иранскиот претставник Ебрахим Резаи изјави дека Иран „со сила ја презел контролата врз Ормутскиот Теснец“ и дека ќе ја задржи.
Ескалацијата следува откако иранските сили нападнаа контејнерски брод што пловел под кипарско знаме во Ормутскиот Теснец. Според американската Централна команда, бродот „ГФС Галакси“ претрпел сериозни оштетувања и не можел да го продолжи патувањето. По избувнувањето пожар, екипажот го напуштил бродот со спасувачки чамци. Спасени се десет индиски државјани, додека по еден член на екипажот сè уште се трага.
Како одговор на нападот, САД соопштија дека погодиле повеќе од 140 ирански воени цели, меѓу кои ракетни и беспилотни системи, поморски капацитети, складишта за муниција и комуникациски центри.
U.S. Central Command (CENTCOM) announced it has completed a third round of strikes this week against Iranian military targets in response to another attack on a commercial vessel in the Strait of Hormuz.
According to CENTCOM, approximately 140 military targets were struck during… pic.twitter.com/qyqOhYttD7
— OSINTdefender (@sentdefender) July 12, 2026
Потоа Иран изврши напади врз повеќе земји од Заливот. Катар соопшти дека три лица, меѓу кои и едно дете, се повредени од парчиња пресретнати ракети, Обединетите Арапски Емирати објавија дека нивната противвоздушна одбрана пресретнала ракети и беспилотни летала, додека во Бахреин беа активирани сирени за воздушна опасност. Јорданската армија соопшти дека три ирански ракети паднале на нејзина територија без жртви.
Iranian forces carried out a second ballistic missile attack targeting Al Udeid airbase in Qatar this morning.
Multiple explosions were reported as coalition SAM systems fought the raid. pic.twitter.com/bd2MCtdAhg
— OSINTtechnical (@Osinttechnical) July 12, 2026
Ормутскиот Теснец е една од најважните светски поморски рути, преку која пред почетокот на конфликтот се транспортираше околу една петтина од глобалната трговија со нафта и природен гас.
