Околу 15.340 евра се запалиле и изгореле во касата на филијала на централната банка во Горна Орјаховица, Бугарија, јауваат локалните медиуми. 86.918 евра, кои исто така биле во трезорот, ги преживеале пламените јазици.
Инцидентот се случил доцна во вторник попладне. Еден постар маж решил да внесе заштеда од околу 2.045 евра на својата сметка за да можат неговите пари автоматски да се конвертираат во евра по Нова Година.
Се покажало дека човекот ги чувал парите во гардеробер, каде што имало и облека третирана со нафталински топчиња.. Кога банкнотите биле внесени, тие имале кристали од репелентот, кој е многу токсичен и лесно запалив кога е изложен на топлина.
Банкнотите поминале низ машината за броење и најверојатно нафталинот се кренал во воздух и влегол во клима уредот. Оттаму, искра влетала во касата, но не ја забележале вработените во банката и парите во трезорот почнале да горат. Се појавил и чад, а откако касата била отворена и во неа влегол кислород, пожарот се разгорел.
Изгорела околу 1/6 од вкупната сума во касата, која изнесувала речиси 102.264 евра. Нема повредени вработени. Пламенот бил изгаснат од пожарникари, а парите се осигурани. Износот на човекот кој ги депонирал 2.045 евра и нафталинот бил префрлен на неговата сметка – во евра.
