Прекинот на интернет во Иран влезе во својот 44-ти ден, објави групата за надзор на интернет NetBlocks. Според нивните податоци, блокадата продолжува во седмата недела, откако надмина 1032 часа непрекинато траење.
NetBlocks предупредува: „Човечките и економските последици од оваа долгорочна цензура се зголемуваат, кршејќи ги глобалните рекорди за исклучување за поврзано општество“. Граѓаните без пристап до алтернативи како Starlink, кои често се скапи, се отсечени од надворешниот свет. Блокадата, исто така, сериозно ја ограничува комуникацијата меѓу Иранците и ја отежнува секоја мобилизација.
Во овој период, голем број службеници сè уште имаат пристап до интернет и редовно објавуваат на социјалните медиуми за војната. Да потсетиме дека во јануари имаше и прекин на интернетот за време на протестите низ целата земја, што потоа помогна да се прикрие екстремното насилство врз иранското население.
