Конфликт на Блискиот Исток – Ден 137. САД извршија нов бран воздушни напади врз Иран, додека Корпусот на иранската револуционерна гарда (ИРГЦ) објави дека ги таргетирала американските воени бази во Кувајт, Јордан и Бахреин како одмазда.
Ноќеска, американската војска започна втор бран напади врз Иран истиот ден, објави Централната команда на Соединетите Американски Држави (ЦЕНТКОМ).
„Нападите се насочени кон иранските воени капацитети што се користат за загрозување на бродовите што слободно минуваат низ Ормускиот теснец, меѓународен воден пат од клучно значење за светската трговија. Американската војска, по наредба на врховниот командант, презема мерки за да го повика Иран на одговорност“, соопшти „ЦЕНТКОМ“.
Засега, американската команда не ги објави точните локации на нападите, бројот на погодени цели или видовите оружје што се користат во новата операција.
„ЦЕНТКОМ“ потоа објави дека целите биле ирански воени објекти што се користат за напади врз трговски бродови во Ормускиот теснец.
Американските сили ги таргетирале крајбрежните одбранбени системи, како и магацините и местата за лансирање крстосувачки ракети на островот Велики Тунб, кој има стратешко значење поради неговата близина до Ормускиот теснец.
Според „ЦЕНТКОМ“, првиот бран напади бил завршен за приближно 90 минути.
