Министерката за труд на САД, Лори Чавез Деремер, ја напушта таа позиција за да заземе нова во приватниот сектор, објави Белата куќа.
Нејзиното место ќе го заземе заменик-секретарот на тој сектор, Кит Сондерлинг, кој ќе служи како вршител на должноста, објавува CBS News.
Откако беше објавено, Чавез-Деремер рече дека е „чест и привилегија“ да служи во администрацијата.
Си-Би-Ес објави дека таа е втората членка на кабинетот на претседателот Доналд Трамп што ја напушти администрацијата во последните недели, по државната обвинителка Пам Бонди и секретарката за внатрешна безбедност Кристи Ноем.
Американските медиуми пишуваа за Чавез-Деремер, наведувајќи дека нејзиното однесување го истражува внатрешниот надзорник на Министерството за труд.
Њујорк тајмс минатата недела објави дека генералниот инспектор на одделот ги прегледал текстуалните пораки испратени од Чавез-Деремер, нејзините врвни помошници и членови на семејството до млади службеници, а на нејзиниот сопруг му е забранет влез во седиштето на одделот во Вашингтон откако две жени кои работат таму пријавиле дека несоодветно ги допирал.
Чавез-Деремер претходно отслужи еден мандат како републиканска конгресменка од Орегон.
Фото: ЕПА
