(Видео) Силни експлозии во главниот град на Јемен; Хутите: Ова е саудиска агресија

Силни експлозии синоќа го потресоа јеменскиот главен град Сана, по извештаите за воздушни напади изведени од воени авиони на коалицијата предводена од Саудиска Арабија.

Сведоци изјавија за новинската агенција дпа дека експлозии се слушнале во различни делови на Сана, додека столбови чад се издигале во близина на претседателската палата и планината Ал-Нахдаин, лоцирана јужно од главниот град.

Телевизискиот канал на Хутите, „Ал-Масира“, објави дека „саудиската агресија“ ја таргетирала Сана, како и провинциите Саада, Таиз и Амран. Не беа дадени детали за целите или за обемот на штетата.

Коалицијата сè уште нема дадено коментар за пријавените воздушни напади врз Сана.

Воздушните напади уследија по соопштението на коалицијата предводена од Саудиска Арабија дека пресретнала две балистички ракети и четири беспилотни летала лансирани од Хутите кон градовите Хамис Мушаит и Џазан во јужниот дел на Саудиска Арабија.

„Продолжуваме со мерките насочени кон одвраќање на терористичката милиција на Хутите“, изјави портпаролот на коалицијата, Турки ал-Малики, осврнувајќи се на нападите на Хутите.

Поврзани вести

Scroll to Top