Украина изврши масовен напад со беспилотни летала врз Москва и нејзината околина преку ноќ. Според извештаите од руските канали на Телеграм, кои се повикуваат на изјави од жители, нападот го оштетил магацинот на најголемата онлајн продавница во Русија „Вајлдберис“, која се нарекува и „руски Амазон“. Ова ги продолжува украинските напади врз компанијата, пишува „Киев Индепендент“.
Градоначалникот на Москва, Сергеј Собјанин, објави дека воздушната одбрана соборила најмалку 197 украински беспилотни летала над поширокиот московски регион. Според неофицијални информации, вкупно повеќе од 600 дронови биле лансирани во областа.
🇷🇺🇺🇦 Moscow’s skies are getting wild tonight.
All four of the city’s major airports just shut down as Ukrainian drones pour in.
Explosions are echoing across neighborhoods while Russian air defenses scramble to shoot them down, sometimes sending debris straight into residential…
— Mario Nawfal (@MarioNawfal) August 18, 2026
Massive Ukrainian drone attack on Moscow Oblast. pic.twitter.com/WztuCBnrNz
— Gameover 🇦🇺🇮🇱 (@MarkoS2075) August 18, 2026
Регионалниот гувернер Андреј Воробјов изјави дека беспилотни летала погодиле магацин на руската компанија за онлајн купување „Вајлдберис“ и други објекти во близина на Москва, додавајќи дека најмалку три лица, вклучувајќи и 10-годишно девојче, се повредени во регионот.
Украинскиот канал на „Телеграм“ „Ексиленова Плус“, кој ја следи ситуацијата на терен, објави дека руската воздушна одбрана погодила станбена зграда во градот Павловски Посад, на околу 67 километри од Москва, додека се обидувале да соборат беспилотни летала. Пожар избувнал на покривот на зградата. Пожари се пријавени и во фабрика за алуминиум во Московскиот регион и во семејна куќа во Љуберци, град на периферијата на Москва.
Се појавија и снимки од градот Стараја Купавна, на 23 километри источно од Москва, на кои се гледаат жители како бегаат и автомобили како се движат по улиците додека експлозии одекнуваат во позадина. Точниот обем на штетата сè уште не е познат, а „Киев Индепендент“ забележува дека не може независно да ги потврди овие извештаи или тврдењата на руските претставници.
Complete chaos in Moscow…
Stop war Putin! pic.twitter.com/WYHpxPYfqF— Kvist (@kvistp) August 18, 2026
Нападот се случи само два дена по еден од најголемите напади со беспилотни летала во Украина во Московскиот регион на 16 август, во кој беше оштетен и магацин на „Вајлдберис“.
#Moscow region is under a drone attack.
At least one building has reportedly caught fire following what appears to have been a rather unsuccessful performance by the #ruZZian air defenses. The Moscow Oil Refinery is reportedly located nearby, pic.twitter.com/0aK0mAGpop
— Aurora Borealis 🤫 (@aborealis940) August 18, 2026
Украинското Министерство за одбрана го потврди нападот. Се вели дека станува збор за најголемиот објект на компанијата, кој се простира на 250.000 квадратни метри. Нападите врз Москва и околината станаа почести во последните месеци, поврзани со напредокот во развојот на украинските беспилотни летала.
Украина редовно ја таргетира воената инфраструктура длабоко во Русија, како и на окупираните територии. Целта на овие напади е да се ослабат воените способности на Русија.
Компанијата „Вајлдберис“, исто така, продава воена опрема на својата веб-страница, вклучувајќи делови за беспилотни летала и панцири. Европската Унија го санкционираше банкарскиот оддел на компанијата во јули за нејзините финансиски придонеси во рускиот државен буџет. „Вајлдберис“, исто така, игра важна улога во руската економија и во снабдувањето на населението.
фото/ЕПА
