Првиот случај на западнонилска треска оваа година е регистриран денес во Бугарија, објави Националниот центар за заразни и паразитски болести.
Според податоците, претходниот случај на западнонилска треска во Бугарија е регистриран во периодот од јануари 2025 година до 23 август 2025 година.
Инфекцијата е заразна болест која се шири со каснување од заразени комарци, наведува Центарот на својата веб-страница, пренесува БТА.
Повеќето случаи се јавуваат во периодот јули-септември во врска со активноста на живиот вектор – комарецот, при што 80 проценти од заразените лица не покажуваат никакви симптоми. Околу 20 проценти од заразените развиваат Западнонилска треска, која се карактеризира со главоболка, малаксаност, треска, болки во мускулите, повраќање, осип, замор, болка во очите и зголемени лимфни јазли.
Периодот на инкубација е од 3 до 14 дена.
