Турскиот претседател, Реџеп Таип Ердоган изјави дека Турција ќе ги заостри правилата за поседување оружје и ќе ги зголеми казните за сопствениците чии деца ќе дојдат до огнено оружје, по смртоносните пукања во турските училишта минатата недела.
Во вториот од двата одвоени вооружени напади минатата недела, беа убиени осум ученици и еден наставник во југоисточната покраина Кахраманмараш, што ја шокира јавноста во земја каде ваквото насилство во училиштата е многу ретко.
Ердоган додаде дека владата ќе преземе и дополнителни чекори за следење на интернетот како дел од одговорот на овие инциденти.
