Кремљ соопшти дека Русија е технички подготвена да го продолжи протокот на нафта преку нафтоводот Дружба кон Унгарија и Словачка, доколку Украина повторно го отвори.
Портпаролот на Кремљ, Дмитриј Песков, изјави дека Русија има договорни обврски кон Унгарија, но испораките се прекинати поради, како што рече, „уцена од киевскиот режим“.
Од друга страна, Володимир Зеленски најави дека нафтоводот би можел повторно да биде ставен во функција до крајот на април.
Спорот околу нафтоводот трае меѓу Украина и владите на Виктор Орбан и Словачка, по прекинот на испораките преку украинска територија.
