Русија планира да постави електрана на Месечината во следната деценија за да ја снабдува својата лунарна вселенска програма и заедничка руско-кинеска истражувачка станица, соопшти Роскосмос.
Роскосмос потпиша договор со авијациската компанија „Лавочкин асоцијација“ за реализација на проектот, кој треба да биде завршен до 2036 година, објави Ројтерс.
Руската нуклеарна корпорација Росатом и Институтот за атомска енергија Курчатов, исто така, ќе учествуваат во изградбата. Целта на проектот е да се создаде постојана научна лунарна станица и премин од еднократни мисии кон долгорочна истражувачка програма.
Електраната ќе ги напојува роверите, опсерваториите и инфраструктурате=а на заедничката руско-кинеска станица на Месечината.
Роскосмос не прецизираше дали објектот ќе биде нуклеарен, но учесниците во проектот и сегашните планови сугерираат нуклеарна технологија, истакнува Ројтерс.
Фото: депозитфотос
