(Фото) Најсексипилната жена на светот се сврши во седмата деценија: годините не можат да ја допрат, но љубовта може

Се шпекулира дека Елизабет Харли и Били Реј Сајрус наскоро ќе стапат во брак; за неа ова ќе биде втор, а за него четврти брак.

Елизабет Харли (61) – која списанието Maxim ја прогласи за најсекси жена на светот – веќе некое време е во врска со таткото на Мајли Сајрус, Били Реј Сајрус, а сега за Page Six е потврдено дека парот е свршен. Гласините за свршувачка се појавија пред неколку дена, откако актерката беше забележана со голем дијамантски прстен на неколку фотографии.

Елизабет Харли моментално работи на нов проект, серијата The ‘Burbs, но извор наведува дека таа не го носи прстенот само за потребите на улогата – всушност, таа добила понуда за брак. Шпекулациите дополнително ги поттикна Били Реј Сајрус, кој во објава на Инстаграм стави емоџи во форма на прстен.

Актерката и музичарот се запознале во 2022 година на снимањето на филмот Christmas in Paradise. Почнале да поминуваат време заедно, а три години подоцна потврдиле дека се во врска.

Елизабет има еден претходен брак, додека Били Реј бил во брак три пати.

„Тој е фантастичен. Многу сме среќни“, изјави актерката и манекенка во интервју за The Sunday Times минатиот октомври.