Американскиот лајвстример, Џони Сомали, кој предизвика гнев во Јужна Кореја откако бакнал споменик на жени кои за време на Втората светска војна биле сексуални робинки, е осуден на шест месеци затвор. Властите во Сеул го обвинија за нарушување на јавниот ред и мир во ноември 2024 година, откако објави снимка на која го бакнува споменикот и изведува непримерен танц врз него. Оттогаш му беше забранет излез од земјата, пренесува „Би-Би-Си“.
Судот во Сеул го прогласил за виновен за нарушување на јавниот ред и други дела, вклучително и дистрибуција на несоодветни содржини. Претходно му бил забранет излез од земјата.
View this post on Instagram
Станува збор за 25-годишник, познат по провокативни видеа и забрани на неколку платформи.
Судот навел дека сторил повеќе прекршоци со цел заработка преку интернет, игнорирајќи ги законите.
Му е изречена поблага казна од бараната, а по излегувањето ќе има ограничувања за работа со ранливи групи.
Случајот предизвика реакции и поради чувствителноста на темата – десетици илјади жени од Азија биле жртви на сексуално ропство за време на Втората светска војна, во чија чест се поставени овие споменици.
Фото: Depositphotos
