Поплави на Пелопонез и голем пожар на островот Скирос ги ставија грчките служби за цивилна заштита пред сериозен предизвик за време на викендот.
Силно летно невреме во саботата го погоди регионот Мани, во југозападниот дел на Пелопонез, предизвикувајќи поплави и проблеми на патиштата и инфраструктурата. За околу два часа наврнале 140 литри дожд на квадратен метар во источниот дел на Мани.
Една жена била повредена откако гром удрил во нејзиниот автомобил. Таа била пренесена во болница, а повредите не се опасни по живот.
Пожарникарите добиле околу 50 повици за помош, најмногу од лица чии автомобили останале заглавени на поплавените патишта. Во најмалку 10 случаи тие интервенирале за да ги префрлат патниците на безбедно место.
Во меѓувреме, голем пожар избувнал и на егејскиот остров Скирос, поради што било евакуирано едно село. Градоначалникот Киријакос Андонопулос изјавил дека засега нема опасност за жителите и туристите.
Силните ветрови, кои достигнуваат седум степени според Бофортовата скала, го отежнуваат гаснењето на пожарот. Сепак, се очекува нивниот интензитет да се намали во текот на денот.
🌧️ Ανατολική Μάνη μετά τις σφοδρές καταιγίδες: Οι μεγαλύτερες ζημιές σε Οίτυλο και Καραβοστάσι
🚨 Η κακοκαιρία που έπληξε την Ανατολική Μάνη προκάλεσε εκτεταμένες καταστροφές, με δρόμους να μετατρέπονται σε χειμάρρους, σπίτια και καταλύματα να πλημμυρίζουν και οχήματα να… pic.twitter.com/J1t34KeONh
— TA NEA (@ta_nea) August 16, 2026
